تسريب السيسي الأخير : الناس هتموت من فشنك المجند أمال لوضرب نار ؟
في تسريب للفريق عبد الفتاح السيسي وزير الدفاع بدار الأسلحة والذخيرة، أكد أنه لن يدعم أي أهداف لأي قوى سياسية متوقعًا حدوث نقاش وصراع بين القوى السياسية، وأن لكل منها سيكون لها أهداف مختلفة، مؤكدًا عدم تحيزه لأي منها حيث إعتبر ان الوقوف بجانب أيًا منها سيؤدي إلى سقوط مصر.
كما حذر السيسي من دخول الجيس في المعترك السيسي، مشيرًا إلى ان تدخله سيؤدي إلى حرب أهلية كما حدث في لبنان.
ومن ناحية آخر أوضح السيسي ان مصر تحتاج أن يعرف الجميع أن جيش عبارة عن دبابة ماشية في الشارع، لافتا إلى أن المجند إذا استخدم طلقات فشنك والناس فرت سيموت الكثير لمجرد الهروب من ذلك الخرطوش، محذرًا من خطورة إستخدام النار.
وقال السيسي في بداية التسريب:"هرجع تاني وأقول إحنا محتاجين في النقطة بتاعت الحالة اللي فيها بلدنا إن احنا بنبقي منتبهين جدا إننا إحنا هنرى كثير خلال الفترة اللي احنا فيها والقادمة، ولازم نبقي متماسكين جدا جدا جدا، ونبقي عارفين إن الجيش ده دبابة ماشية في الشارع، عربية ماشية في الشارع، بني آدم معاه سلاح ، لوالنهاردة قدامه 200، ٣٠٠ واحد، وضرب طلقات فشنك والناس جريت ،جريت بس، هيموت ناس تحت الزحام تحت رجليه .. بس.. أمال لو ضرب نار علي حد مباشر".
وتابع:"من هنا هذا الرقم لازم يكون عندنا الاعتقاد الجازم إن هوا أفضل حاجة ليه نبقي خارج المعادلة"،وهيحصل نقاش كتير وهيحصل صراع كتير بين القوى كل واحد ليه وجه نظر، كل واحد ليه رؤية، كل واحد ليه حسابات، كل واحد ليه أهداف بيشتغلوا عليها .. أنا لا هدعم الأهداف دي ولا هدعم دي.
وأضاف،أنا لو دعمت واحدة ضد التانية هتقع مصر، صدقوني هتقع بلدنا وأفضل حاجة لينا إننا نفضل دايما علي مسافة واحدة من الجميع، الكلام ده مش بقوله كلام كده، لكن ده حق ، حق ظاهر ، ظاهره وباطنه، حق ، لازم نبقي كده علي مسافة واحدة من الجميع أي ميل لأي حتة منهم يعمل مشكلة.
منقول من شبكة رصد
حريّة الرد متاحة لجميع الزوار بشرط أن لا يكون الرد خارج نطاق الموضوع وأن يكون خال من الكلمات البذيئة. تذكّر قول الله عز وجل (ما يلفظ من قول إلا لديه رقيب عتيد). تحويل تحويل تعبيرات الوجه تعبيرات الوجه